BMW подготви еден од најнеобичните автомобили за овогодинешното издание на 24 часа Нирбургринг — тркачки M3 Touring 24H, караван кој доби GT3 технологија и ќе се појави на патеката како вистински натпреварувачки автомобил. Она што го прави посебен е фактот дека не станува збор за M4 GT3 претворен во караван, туку за вистински M3 Touring кој започнал како сериски автомобил, а потоа бил преработен со компоненти од M4 GT3.
Зад воланот ќе биде и добропознатиот возач на BMW, Јенс Клингман, кој вели дека овој автомобил е „многу, многу посебен“ и дека ќе остане запишан во историјата на BMW. Иако M3 Touring 24H има темпо блиско до GT3 автомобилите, неговата подолга каросерија и дополнителниот аеродинамички отпор одат во насока на тоа дека да се победи е еднакво на тешка мисија.
Сепак, целта не е само резултатот. BMW со овој проект сака да покаже нешто поразлично — тркачки караван кој постои за фановите, за ентузијастите и за сите што сакаат необични автомобили на големата сцена.
Реално, пласман во топ 10 би бил одличен успех, а под вистински услови, можен е и уште подобар резултат. По настапот, автомобилот треба да заврши кај приватен колекционер, но BMW би можел повторно да го прикажува на специјални настани.
Без разлика на конечниот резултат, M3 Touring 24H веќе ја постигна својата цел — стана автомобил за кој сите зборуваат.
